MetalFront.org - Metal/Gothic/Industrial Webzine

«Nothing Else Matters» па-беларуску (mp3+тэкст)
http://music.fromby.net/article/1969/

Піт Паўлаў прэзэнтуе ў новым туры на ТГ песьню «Сродак і мэта» —
беларускамоўную вэрсію галоўнага гіта гурта Metallica «Nothing Else
Matters». На выкананьне гэтай песьні музыкант атрымаў згоду ад Джэймса
Хэтфілда. «Гэта адна зь нешматлікіх песень, якія можна выконваць у
двары, у альтанцы. Спадзяюся, што беларускі тэкст пойдзе ў народ», —
кажа музыка.

Піт кажа, што гэтую песьню запісаў некалькі гадоў таму, калі толькі
кшталтаваўся гук ягонага новага праекту — капэлы Pete Paff. Неаднойчы
яна выконвалася на яго сольных выступах і музыка залічыў яе ў самыя
ўдарныя канцэртныя нумары. Беларускі тэкст «Nothing Else Matters»
увесьчасна зьмяняўся — у залежнасьці ад эмацыйнага стану выканаўцы.
Але ўрэшце цяпер «Сродак і мэта» набыў свой канчатковы варыянт.

Адбылося гэта ў самы апошні момант — у дзень запісу трэку. «Тое, што
на канцэртах стварала ўражаньне спантанасьці і блізасьці да
арыгінальнага тэксту Metallica ў запісаным выглядзе выглядала
падрадковым перакладам, досыць схематычным і залішне патасным. Таму
ўвесь дзень цалкам пайшоў на перапрацоўку тэксту», — апавядае Піт.

«Я палюбіў гэты гурт, калі быў падлеткам і не зьвяртаў пільнай увагі
на лірыку, — прызнаецца музыка. — Мяне захапляла жывёльная энэргія і
татальны гітарны саўнд. Як гітарыст я пераняў манеру і гучаньне маіх
падлеткавых куміраў, але заўсёды разумеў розьніцу паміж кавэр-бэндам і
арыгінальным рок-гуртом. Амаль любы рок-шэдэўр зьяўляецца вынікам
працы канкрэтнага складу выканаўцаў пад кіраўніцтвам канкрэтнага
прадусара. Гісторыя року мае шмат прыкладаў, калі гурт ня можа
пераканаўча выконваць свае ўласныя песьні нават калі сыходзіць адзін
музыка. „Nothing Else Matters“ адна зь нешматлікіх песень, якую можна
выконваць нават у двары, у альтанцы».

Піт вырашыў атрымаць згоду на выкананьне «Сродку і мэты» ў аўтара
арыгіналу. З Джэймсам Хетфілдам зьвязаліся праз Саманту Макнэлі,
адміністратара афіцыйнага фэн-сайту гурта www.metclub.com. «Мы
пераслалі трэк і атрымалі дазвол на яго выкананьне, цяпер дашлем яшчэ
і падрадкоўнік беларускага тэксту», — кажа Піт. Музыкант кажа, што
цяпер у тэксьце «Сродку і мэту» ён ня зьмяніць ані слова і спадзяецца,
што беларуская вэрсія песьні гурта Metallica таксама здабудзе народную
любоў.

Дарэчы, 12 лютага ў менскім клюбе «Рэактар» адбудзецца канцэрт-трыб’ют
гурту Metallica.

Піт Паўлаў — Сродак і мэта (аўтары арыгіналу — Джэймс Хетфілд, Ларс
Ульрых, аўтары беларускага варыянту — Піт Паўлаў, Глеб Галушка)
Зьмяшчаецца са згоды выканаўцы.

SB, ТГ

Сродак і мэта
Ад сэрца да сэрца — наўпрост,
Калі бачна праз скуру наскрозь,
Насамрэч хто мы ёсьць —
Вось сродак і мэта!
Бясконцы сусьвет сабе
Ў карыстаньне прыватнае
Знойдзем мы ў саміх сабе —
Вось сродак і мэта!
Адпусьці сваё сэрца ў сьвет,
Патрапляй зь ім сьлед у сьлед,
Крок за крокам, як альфабэт —
Вось сродак і мэта!

Прыпеў:
Я ня верыў іхняй верай,
Я ня мерыў іхняй мерай,
Я ня граў па іхных нотах,
Я ня ведаў іхных ведаў,
Бо сам ведаў!

Ад сэрца да сэрца — наўпрост,
Калі бачна праз скуру наскрозь,
На самой справе хто мы ёсьць —
Вось сродак і мэта!

увидев логотип группы Magnetica сразу понятен творческий потенциал этой замечательной группы. Обратите внимание

Mr.Kasslar написал:

Стотысячемиллионный трибьют Металлики... Нечего там делать...

Не скажи, в 2005 году на такой трибьют я едва успел - билеты продавались как горячие пирожки)))

Нда... фест неогонь... уже в который раз... Лучше бы трибьют Iron Maiden зделали, вот чего давно небыло

Неее, лучше б Слэйерам забабахали:dance:

Забавный такой фэст получился. Часть банд совершенно не возбудила, но некоторые были даволи таки огонек. Появилась мысль, что Элиану нужно играть трэш, а не хэви, ибо именно в этом стиле под каверами на Металлику они прокачали действительно Офигенно!

Хорошо отдохнул:pleasantry: Единственно расстроил невразумительный звук гитар на сете Deadmarsh и глупая выходка какого-то чела на сете Soulsides. Культурнее надо быть.

Report - http://www.metalfront.org/obzori/tribyut-metallica